დროულად, ხელშეკრულებით გათვალისწინებულ ვადაში ვერ უზრუნველყოფს

მხარეთა პასუხისმგებლობა

5.1. მხარეები წინამდებარე ხელშეკრულებით ნაკისრი ვალდებულებების შეუსრულებლობის ან/და არაჯეროვნად შესრულებისათვის პასუხს აგებენ ერთმანეთის წინაშე და დამრღვევი მხარე ვალდებულია აუნაზღაუროს მეორე მხარეს ზიანი.

5.2. თუ, დამკვეთი ხელშეკრულებით გათვალისწინებულ ვადაში არ განახორციელებს ანგარიშსწორებას, შემსრულებელს უფლება აქვს შეწყვიტოს ხელშეკრულება ან შეაჩეროს მომსახურების გაწევა თანხის სრულ გადახდამდე.

5.3. თუ, დამკვეთი ხელშეკრულებით გათვალისწინებულ ვადაზე ადრე ცალმხრივად შეწყვეტს ხელშეკრულებას, ასეთ შემთხვევაში გაწეული მომსახურების ღირებულება გადაანგარიშდება პრაისით გათვალისწინებული ფასდაკლების გარეშე და წინასწარ გადახდილი თანხიდან (ასეთის არსებობის შემთხვევაში) დამკვეთს დაუბრუნდება მხოლოდ დარჩენილი სხვაობა. 

5.4. შემსრულებელი პასუხს აგებს ხელშეკრულებით ნაკისრი ვალდებულებების არსებული ფორმატის შესაბამისად, დროულად და ხარისხიანად შესრულებაზე, იმ შემთხვევაში თუ შემსრულებელი არასრულად ან უხარისხოდ განათავსებს დამკვეთის მიერ მიწოდებულ სარეკლამო მასალებს, იგი ვალდებულია გამოასწოროს ხარვეზი და ხელახლა განათავსოს  მასალა.

შენიშვნა: დამკვეთის მიერ სარეკლამო მასალის დაგვიანებით მიწოდების შემთხვევაში შემსრულებელი პასუხს არ აგებს მათ დაგვიანებით განთავსებაზე, ამასთან შემსრულებელი უფლებამოსილია განათავსოს დამკვეთის მიერ შემსრულებლისათვის მანამდე/ადრე/წინა დაკვეთით მიწოდებული მასალა.

5.5. სარეკლამო მასალის განთავსებისას, მოწოდებული სარეკლამო მასალის შინაარსსა და ფორმაზე პასუხისმგებელია დამკვეთი.

5.6. დამკვეთი ადასტურებს და იძლევა გარანტიას, რომ:

5.6.1. სარეკლამო მასალა არის ნივთობრივად და უფლებრივად უნაკლო;

5.6.2. სარეკლამო მომსახურების გაწევისათვის შემსრულებლისათვის მიწოდებულ სარეკლამო მასალასთან დაკავშირებით მესამე პირებს არ აქვთ და არ ექნებათ რაიმე სახის პრეტენზია;

5.6.3.  5.6.1. და 5.6.2. ქვეპუნქტებიდან გამომდინარე, დამკვეთი  კისრულობს სრულ მატერიალურ და არამატერიალურ პასუხისმგებლობას სარეკლამო მასალებთან დაკავშირებით მესამე პირების მხრიდან ნებისმიერი პრეტენზიის წარმოშობის შემთხვევაში და ვალდებულია სრულად აუნაზღაუროს შემსრულებელს მიყენებული ზიანი/ზარალი.

5.7. თუ, დამკვეთი დროულად, ხელშეკრულებით გათვალისწინებულ ვადაში ვერ უზრუნველყოფს ხელშეკრულებით გათვალისწინებული მომსახურების ღირებულების ანგარიშსწორებას, ასეთ შემთხვევაში შემსრულებელს უფლება აქვს გადასახდელ თანხასთან ერთად დამკვეთს დამატებით დააკისროს და მოსთხოვოს პირგასამტეხლოს გადახდა გადასახდელი თანხის  0,3%-ის ოდენობით, ყოველ ვადაგადაცილებულ დღეზე, არაუმეტეს ხელშეკრულების ჯამური ღირებულების 5%-ის ოდენობით.

5.8.  თუ, შემსრულებელი დროულად, ხელშეკრულებით გათვალისწინებულ ვადაში ვერ უზრუნველყოფს ხელშეკრულებით გათვალისწინებული მომსახურების გაწევას, ასეთ შემთხვევაში დამკვეთს უფლება აქვს შემსრულებელს დააკისროს და მოსთხოვოს პირგასამტეხლოს გადახდა გასაწევი მომსახურების ღირებულების  0,3%-ის ოდენობით, ყოველ ვადაგადაცილებულ დღეზე, არაუმეტეს ხელშეკრულების ჯამური ღირებულების 5%-ის ოდენობით.

5.9.              წინამდებარე ხელშეკრულებით გათვალისწინებულ ვებ-გვერდ(ებ)ზე მომხმარებელთა რაოდენობის მკვეთრი ზრდის შემთხვევაში შესაძლებელია, ხელშეკრულებით გათვალისწინებული სარეკლამო მასალის ჩვენების რაოდენობა ამოიწუროს ხელშეკრულებით გათვალისწინებულ ვადაზე ადრე.

5.10.           ხელშეკრულების 3.1 პუნქტის ვადის განმავლობაში ვებგვერდების რეკონსტრუქციის შემთხვევაში „შემსრულებელი“ ვალდებულია შესთავაზოს „დამკვეთს“ შესაბამისი საბანერო ადგილები.

6. ფორს-მაჟორი