მნიშვნელოვანი სტატია

მომსახურების სფერო, იგივე ეკონომიკის მესამეული სექტორი არის ერთ–ერთ ეკონომიკის სამი ძირითადი სფეროთგან.
   ეკონომიკის პირველი ანუ ძირითდი სექტორი ეს არის სექტორი, რომელიც ახდენს ბუნებრივი რესურსების მიზანმიმართულ გამოყენებას (მაგ: აგროკულტურები, ტყე, თევზი, სამთო–მომპოვებითი და ა.შ).
   ეკონომიკის მეორე სექტორი მოიცავს სფეროს, რომელიც აწარმოებს დასრულებულ, მოხმარებისათვის გამზადებულ პროდუქციას. ხშირ შემთხვევაში ეს სექტორი წარმოებისათვის იყენებს პირველი სექტორში ასახულ პროდუქციას.
   ეკონომიკის მესამე სექტორი ასევე ცნობილია როგორც–მომსახურების სფერო.  მომსახურების სფერო არის ეკონომიკის ე.წ ,,რბილი“ სფერო, სადაც ადამიანები გამოიყენებენ საკუთარ ცოდნასა და დროს, რათა შექმნან და განავითარონ პროდუქცია და მომსახურება, რასაც ,,ეფექტური შრომა“ ეწოდება. ამ სექტორის მთავარი მახასიათებელი არის სერვისის და არა პროდუქციის წარმოება. სერვისი, იგივე ,,არამატერიალური სიკეთე“. მოიცავს მწარმოებლის ყურადღებას, რჩევას, ხელმისაწვდომობას, პატივისცემასა და აზრთა ურთიერთგაცვლას მომხმარებელთან მიმართებაში. ინფორმაცია, როგორც პროდუქტი ასევე განიხილება სერვისად, თუმცა ეკონომისტების გარკვეული ნაწილი მას განიხილავს, როგორც ეკონომიკის მეოთხე სექტორს. რიგ შემთხვევებში სერვისი მოიცავს ტრანსპორტირებას, დისტრიბუციასა და ურთიერთდამოკიდებულებას მწარმოებელსა და მომხმარებელს შორის, როგორც საცალო, ასევე საბითუმო ვაჭრობის დროს.  საქონელი შესაძლოა ტრანსფორმირდეს, როგორც პროცესი, როდესაც იხვეწება სერვის, მაგალითად რესტორნებში მომსახურების სერვისი. ასეთ დროს სერვისი უფრო მეტად ფოკუსირებულია მომსახურე პერსონალის დამოკიდებულებასა და მომსახურებაზე მომხმარებელთან.
   უკანასკნელი 100 წლის მანძილზე, განვითარებულ ქვეყნების ეკონომიკის მოცულობაში შეინიშნება პირველი და მეორე სექტორის წილის მნიშვნელოვანი კლება და მესამე, ანუ მომსახურების სექტორის მოცულობის ზრდა. დღეისათვის მესამე სექტორი არის ყველაზე დიდი და სწრაფად მზარდი ეკონომიკის სექტორი დასავლურ სამყაროში.
   ხშირად ძნელია გარჩევა იმის თუ მოცემული კომპანია რომელი სექტორის ნაწილია, მეორე თუ მესამე?! აღსანიშნავია, რომ როგორც კომპანიები, ასევევ სამთავრობო სექტორები და არაპროფილური ორგანიზაციებიც შესაძლოა იქვნენ ეკონომიკური სექტორის ნაწილები (მაგ: პოლიცია, თავდაცვა, საქველმოქმედო ორგანიზაციები და სხვა).
   სერვისის მომწოდებლები ხშირად აწყდებიან ისეთ პრობლემებს, რომლებსაც საქონლის მომწოდებლები თითქმის არასოდეს ხვდებიან. სერვისი არ არის ხელშესახები და ხშირად რთულია აუხსნა პოტენციურ მყიდველს თუ რას მიიღებენ სერვისის შეძენისას და რა ღირებულება ექნება მას მათთვის. რიგ შემთხვევებში კონსულტანტები და მიმწოდებლები საინვესტიციო სფეროში, მყიდველს ვერ აძლევენ გარანტიას რომ მათ მიერ გადახდილი ფული, მყიდველს მოუტანს სარგებელს.
   მომსახურების სფერო ეს არის ეკონომიკის აწმყო და მომავალი, რომლის დახვეწა და სრულყოფა სასიცოცხლოდ მნიშვნელოვანია ქვეყნის ეკონომიკური მდგრადობისა და მატერიალური სარგებლისთვის.